AF222a: 18v

[Ẕākirī]

İlāhī der‑maqām‑i nevā‑i sünbüle

remel: fāʿilātün ‑ fāʿilātün ‑ fāʿilātün ‑ fāʿilün

Yā ilāhī saña maʿlŭm ḫayr [u] şerr aʿmālenā
Qıl müvāfıq emrüñe aqvālenā efʿālenā
Bizde yoqdur bir ʿamel kim lāyıq ola ẕātuña
Caġırurlar bizi bir gün eli boş ḥażretüñe
Yā ilāhī yüz qarasıyla iletme qatuña
Yā muḥavvel eyle taḥvĭl ḥüsn‑i ḥālüm ḥālenā
Rabbanā ḫtim ʿumranā bi‑l‑ḫayrī [!] wa‑r‑ṭ‑y ḥālanā

ʿİzzetüñ [!] ḥaqqı‑çün ey ḥaq nefs elinden qıl ḫalāṣ
Raḥmetüñ deryāsı ʿāṣīler içün oldı menāṣ
Rūz‑i maḥşer ʿadl ėdüp cürmüñ [!] içün qılma qıṣāṣ
Yā muḥavvel eyle taḥvĭl ḥüsn‑i ḥāle ḥālenā
Rabbanā ḫtim ʿumranā bi‑l‑ḫayrī [!] wa‑r‑ṭ‑y ḥālanā

Ḥīle demdür ẕikrüñi ẕikr ėtdi gerçi Ẕākirī
Qılmadı iḫlāṣ ile qaldı eli yüzi geri
Niçe yüz biñ ʿāṣĭ qullaruñ var ol daḫı biri
Yā muḥavvel eyle taḥvĭl ḥüsn‑i ḥālüm ḥālenā
Rabbanā ḫtim ʿumranā bi‑l‑ḫayrī [!] wa‑r‑ṭ‑y ḥālanā

[Hüdāyī]

der‑maqām‑i nevā

Bir pādişāha qul ol‑kim mülki zāʾil olmaz ola
Bir gülşene bülbül ol‑kim hīç ṣararup ṣolmaz ola

Gendüñ ʿummāna ṣala gör ġavvāṣ oluban ṭala gör
Bir dürlü cevher bula gör kimse anı bulmaz ola

Gerçek ʿāşıq ola sālik görinür külli şeyʾ[in] hālik
Bir mülke ola mālik kimse elden almaz ola

Qoyalum lāf u güẕāfı gel eyleyelüm inṣāfı
Göñül ol vaqt olur ṣāfī kim aña keder gelmez ola

Sırrunı [!] keşf ėtme yāda vėrme ḥāṣıluñı bāda
Bir dost ėdin‑kim dünyāda hīç yanında gitmez ola

Gerçek seven cānānuñı [!] vėrür tenini cānuñı [!]
Derd oldur kim dermānını ḥaqqdan ġayri bilmez ola

Bülbül olup ötmek gerek güller gibi yitmek gerek
Bir ʿāl[em]e binmek gerek fenā eli ėrmez ola

Zāhidlere uçmaq gerek ʿārif ḥaqqa göçmek gerek
Bir çeşmeden içmek gerek andan içen ölmez ola

m m m